أهمية بلسم الشعر ، د. جنة خداده
بلسم الشعر Hair conditioner مهم لصحة الشعر
يهملونه البنات يضنون انه راح يزيت او يدهن الشعر او ماراح يفيدهم لكن الاعتقاد عندهم خاطىء فحبيت اسوي هالبوست .
شلون نستخدمه ؟!؟!؟!
البلسم يستخدم بعد ما تغسلين الشعر بالشامبو يعني اذا مرتين الى ثلاث مرات بالاسبوع تغسلين شعرج فاستخدميه بعد ما تغسلينه بالشامبو يكون مبلل تضغطين شوي عالشعر باطرافه عشان تنزلين الماي اللي فيه شويهبعدها اخذي كمية قليله من البلسم بطرف الصبع و فرديه على ايدج اولا بعدها خليليه بالشعر و حطيه من فوق بس بعيد عن الجذور و نزلي لي الاطراف اهم شي من وسط الشعر الى الاطراف بس بعيد عن الجذور
و بعدها دلكيه بس شوي و خليه دقيقتين و عقب شطفي الشعر بالماي الدافي 😍😍 .
البلسم ليش مهم ؟!
ترى البلسم مو مهم لانه يسهل علينا عملية تمشيط و تسريح الشاور بعد ما نغسل شعرنا لا طبعا بالاضافه انه يمنع تشابك الشعر و يسهل عملية تسليك الشعر فالبلسم يمنع تقصفه ويرطبه ويعطيه لمعه و سلاسهعشان جذي اللي تحرص تحطه او تستخدمه بعد الشامبو نلقى انه شعرها خاصة اطرافه صحيه اكثر من غيرها من اللي تهمله و لا تنسون بنات فصل الشتاء الشعر معرض للنشفان و الجفاف و غير البنات اللي تصبغ شعرها وايد البلسم يعتبر من الاشياء المكمله و المهمه لشعر حلو و صحي 💎💎💎💎
فحبيت افيدكم بهالمعلومه و اصحح اي اعتقاد موجود عن البلسم ما يكون بمحله .
انشالله كل وحده يصير شعرهامثل باربي
😹😹😹😹💎💎💎💎
احبكم
..
د.جووووووج
------
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق