الروج و جفاف الشفاه ، د. جنة خداده
حُمر ( روجات ) المات ؛: 💄
النوع هذا بالذات من الحمر يسبب جفاف للشفاه بشكل كبير لانه بس تحطينه يمتص كل رطوبة الشفاه و يثبت و يصير ناشف عليها صح ؟!؟!!!
انا بعد استخدمه لاني احبه بس ما افضله وايد ليش لانه يقلل من رطوبة الشفاه و فوق هذا وقت ازالته ما يروح بسهولة يعني يحتاج مزيل او ماء و صابون عالاقل مع دعك للشفاه
عشان تنظف الشفاه عدل و مع الوقت الازالة الصعبه هذي نوعا ما قد تسبب تصبغات و خاصة اذا كانت الالوان المستخدمه داكنه بنات 👍🏼
يعني انا ارد و اقول مو امنع احد من استخدامها بالاساس انا احبها بعد و استخدمها بس مو دايما 😹🤦🏻♀️ و لكن قللوا من استخدامها قدر الامكان و لما اتيون تستخدمونها حطوا اي مرطب قبلها سواء زبدة الشفاه اللي انتي تفضلينها او مرطب البيبانثين الوردي اللي تكلمت عنه باكاونتي من قبل
و لج كامل الحق باختيار المرطب المهم ترطبين و بعدين مو بس قبل وضع الحمره لكن لازم حتى بعد ازالة حمر المات الثابته كذلك تحطين مرطب لان انتي بنفسج راح تلاحظين من تشيلينها في جفاف و نشفان بالشفاه و بعض البنات لدرجة تتقشر الشفاه فحطوا قبل و بعد حمر المات المرطب لان الترطيب ضروري جدا عشان انقلل الاضرار على الشفاه قد الامكان ....
.
.
جوووووج
-----
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق