افضل فاونديشن أو كريم اساس للبشرة - دكتوره جنه خداده

أحلى ثلاث فاونديشنات استخدمهم هالفترة 😍😍✅✅: .

شفتوا شلون قاعده اطلع الفاونديشين الاخير من مخباتي ماعندي مكان يمي احط عليه الفاونديشين 😭😂🙈🙈 و الله عدت الفيديو وايد يا يطيح فاونديشين يا الطاوله تكون بعيده قلت خل امسك اثنين بايدي و واحد احطه بمخباتي و اطلعه و عدت على خير 💔🙈😂😂 .

و الحين قبل اي شي شكرا لكل بنت عطت من وقتها للاجابه عن سؤال الخميس ماتدرون شكثر هالشي يعنيلي و يسعدني و ماشاء الله في اشياء وايد حلوه كتبتوها تحمست اجربها لاني مو مجربتها 💪🏼🥰

وفي اشياء انا اساسا استخدمها و فعلا حلوه 😍😍 و بعد مهم تعرفون :

- ان هذا البوست هو مشاركة مني معاكم و ردا على سؤال الخميس لا اكثر و لا اقل و هو بوست فىغير طبي حرصا مني على التنوع و استفادة البنات و عشان حتى انا كثير بنات قاعده استفسد منهم في هذا المجال و من خبراتهم 😍😍 شكرا بنات -

و ان الفاونديشنات اللي بحطها لكم هي الفوانديشنات اللي استخدمها اكثر شي بالفترة الحالية لان سبحان الله ساعات مع الوقت تحتاجين تغيرين الفاونديشين و ساعات يكون روتينا بالشتا غير الصيف و نبتدي نغير لين يناسبنا شي معين

- انا مو مع ان نستخدم الفاونديشين بشكل يومي و في بدائل عنها او ما نستخدم تغطيات يوميا و نريح بشرتنا و البدائل دايما احط منهم امثله على سنابي

- تهيأة البشرة مهمة لان ساعات انتي ما تهيأيين بشرتج عدل فحتى لو الفاونديشين حلو يطلع مو حلو لان البشرة ما تحضرت له بالشكل الصحيح و حتى تهيأت البشرة بالخطوات او بشكل سريع احطها على سنابي هذا سنابي بنات : drj.kh

- شي اخير و مهم قبل لا احط الامثله اللي استخدمها انا بشرتي نوعها مختلطه 🙏🏼🥰

الحين بحط اكثر فاونديشنات نايبت بشرتي و تغطياتها حيل حلوة و استخدمها عالفترة و بحط اهم ثلاثه حتى لو كانوا اكثر بس بكتفي باللي استهلكهم اكثر :

١- فاونديشين من تشارلوت تيلبيري اسمه: ‏charlotte tilbury airbrush flawless foundation
فاونديشين جدا جميل و تغطيته كامله و ما طلعلي حبوب و لا يتغير لونه خلال اليوم فتجربتي معاه حلوه و درجتي warm 6 و كل بنت تاخذ درجتها اكيد ✅✅

٢- فاونديشين فلاي اب مميز جدا لان من براند يعتمد على التركيبات الطبية و مدعم بالهيالورونيك اسيد و الصبار و غيرها من مواد مغذية و مفيدة للبشرة درجتي ٢٠ ✅✅ .

٣- فاونديشين فنتي بيوتي fenty beauty حاطتلكم صورته فوق لان في انواع مختلفه هذا حلو و ناسب بشرتي و البقيه ماعرفهم او ماجربتهم عدل و درجتي ٢٣٠ ✅✅ .

و بس بنات هذي الثلاث فاونديشنات استخدمتها و شكرا لكم و لتفاعلكم معاي ربي يسعدكم و يحفظكم 💎💎💎💎💎💎💎💎