الخلطة الثلاثية للتفتيح وتوحيد لون البشرة دكتوره جنه خداده
تجربتي مع الخلطة الثلاثية
ماهي الخلطة الثلاثية لتفتيح التصبغات وتوحيد لون البشرة:الخلطة الثلاثية هي عبارة عن ثلاث كريمات كلها متوفره بالمراكز الصحية لدى اقسام الجلدية بالمجان ومتوفرة بره بوصفة طبيه.
طريقة إستخدام الخلطة الثلاثية هاي كوين
نخلط بكل مره بنستخدمها شوي من كل كريم والكريمات هي:
1- مفتح او مبيض مثل هاي كوين 4٪ او ساعات ينكتب عليه الدوكوينون 4٪ نفس الشي اثنينهم.
2- ديفيرين كريم وليس الجل لانه الكريم اخف على البشره بهذه الخلطه يعني الخلطه فيها مقشر.
3- كريم الالفاكورت او ينكتب عليه الهايدروكورت نفس الشي اثنينهم بس على حسب المتوفر بس قاعده اكتب لكم المسميات الدارجه بشكل عام بس التركيبه لهم وحده.
لأي غرض تستخدم الخلطة الثلاثسة؟!
تستخدم لتفتيح وتوحيد لون البشره وللتصبغات والكلف واثار حب الشباب.ما هي الاماكن اللي تستخدم لها الخلطه الثلاثيه
تستخدم الخلطة الثلاثية في الوجه ممتازه بس بعيدا عن محيط العين وحوالين الفم واي منطقه بالجسم ماعدا المناطق الحساسة لا تستخدم لها اما بالنسبه للمفاصل الركب والاكواع زينه بس مو نفس الوجه لانه عند البعض قد تسبب نتايج عكسيه.طريقة استخدام الخلطة الثلاثية
1- نغسل الايد عدل والمنطقه اللي بحط عليها الخلطه.2- بعدها نخلط نقطه بسيطه من كل كريم بوقت الاستخدام وما يصير نخلط كميه كبيره من كل الكريمات ونخزنها ونستخدمها، خطأ جذي.
3- طبعا لانه فيها مقشر فتستخدم مره ليلا على المنطقه المراد تفتيحها وتصفيتها.
4- بأول ايام عشان تعتاد البشره نحطها ساعات واذا حسينا بحرقه ممكن نشيلها او نغسل المنطقه ومع الوقت راح تقدرون تنامون فيها يعني بأول اسبوع يفضل كل يومين او حتى كل ثلاث ايام نستخدمها.
5- مع الوقت استخدامها يصير يومي لمدة 3-4 اشهر بعدها نوقفها تدريجيا اسبوعين قبل لا نقطعها وناخذ راحه منها شهر او حتى شهرين وممكن نرد عليها مره ثانيه.
موانع استخدام الخلطة الثلاثية
لا تستخدم الخلطة الثلاثية للحامل والمرضع لانه فيها ديفيرين ولاحظوا ليش دايما قبل اتكلم عن السكينورين مو لانه احسن من هذه الخلطه كفعاليه، ولكن لانه في ناس كثير تفيدهم هذه الخلطه بشكل رهيب وممتاز بس دايما نبتدي بالشي الاسهل يعني السكينورين لأن مميزاته كالتالي:1- ما يحتاج خلط اهو كريم واحد.
2- اخف من المقشرات الثانيه.
3- عادي للحامل والمرضع.
4- يستخدم لاي منطقه بالجسم من ضمنها المناطق الحساسة.
بس اللي ما فادهم سكينورين لانه اخف مقشر على البشره ينتقلون إلى الخلطة الثلاثية بس بالشروط اللي قلتها وللاماكن اللي تصلح لها.
أتمنى ما اكون نسيت شي وانه الموضوع مفيد والحين أرسلي الموضوع لأصدقائك
😍😍😍😍
.
د.جوووووج
======
قد يهمك أيضا
بشرة صافية في يومين فقط
ثلاث منتجات = وجه صافي ومتجانس ومو طافي وفي نضارة
منتجين فقط الالتزام باستخدامهم يخلي البشرة روعة
تركيبة طبيعية تعطي توهج ونضارة للبشرة آمن لجميع الاعمار
ليست هناك تعليقات :
إرسال تعليق