حظر التجول ؟!

قبل اي شي اتمنى تقرون كلامي للاخر لانه الفيديو قد يوصل الجزء و الكلام في شرح اكبر🙏🏼❤️

..

 لو وصلنا إلى هذا الشيء فهذا دليل لعدم الامتثال للتعليمات الصادرة من الجهات المختصة من بعض الناس و ليس الكل  لما قالوا أجلوا اعراسكم و صكروا القاعات و حاولوا قدر المستطاع تطبيق هالشي بس الناس بدت تسوي اعراسها بالبيت ولما انصحوا بعدم التجمع بالمراكز التجارية تجمعوا عالبحر و لما قالوا عن التجمع بالمساجد في البعض تضايق .. بس ها ؟! عشان نكون منصفين قبل لا تسكر المساجد اغلق جميع اماكن التجمعات كلها كلها كلها و مو بس المساجد و الحسينيات و الكنائس..لكن قم باغلاق كل المراكز التجارية غلق كامل بمطاعمها و كل ما يخصها حتى يكون الموضوع حازم و صارم و الناس تقعد ببيوتها و ان شاء الله الجهات المختصه ماراح تقصر في هذا الامر >> احنا مانبي من الناس شي الا انها تقعد ببيتها و تطمن لفترة معينه و لذلك اعطوا إجازة عشان لا يصير اختلاط و نقل عدوى فالدوام يعتبر جزء من الاماكن اللي فيها تجمعات فمو تروحون اماكن فيها تجمعات بالبداية محد كان متصور و مع الوقت كثير من الناس استوعبت كثير من الحقائق واناوحده منهم ف حديت من طلعاتي و تجنبت كل مكان مزدحم عشان اهلي قبل لا يكون عشاني فاللي مايخاف على نفسه يخاف على اهله وكبار السن اللي الفايروس صدقوني ماراح يكون رحيم معاهم بهالعمر..

مع اكيد👍🏼👍🏼اذا كان هذا فيه مصلحة الناس و يحد من انتشار المرض لان في دول استهانت و منهم ايطاليا والحين موقادرين يسيطرون عالمرض لان المستشفيات انترست وعدت الحالات ال ١٥ ألف..فإذا ما تم اغلاق التالي  اولا المجمعات التجارية بمحلاتها و مطاعمها و كل خدماتها بالكامل و كل مرافق فيها تجمعات منها المطاعم و غيرها قبل اي شي و الناس ما إلتزمت بالقعده بالبيت و صار في استهتار و عدم تحمل المسؤولية و في ناس تسهر عشان تحميها بالداخليه و الصحه و كل انسان بطل و شهم في اي مكان يكافح هالمرض..فنعم لحظر التجول لان في ناس مالها ذنب تدفع ثمن استهتار و اهمال غيرها حتى لو كان هالشخص من اهلها و الله يحفظ الكويت و اهلهاوسائر الدول و لكن اعينوا الجهات المختصة في قراراتهم اللي فيهامصلحتكم و مصلحة اهلكم و ربي يحفظكم و يسعدكم

.

الان انت مع ام ضد؟!