المقشرات القوية المشتقة من فيتامين A كالديفيرين والاكرتين جميلين ورائعين واستخدمهم لبشرتي و لكن يجب ان نوضح من الاشخاص الذين يجب عليهم ايقاف استخدامهم :

1- اذا كنتوا مرتاحين عليهم وبشرتكم تعودت عليها وكل شي تمام بس صارلكم عليهم اكثر من ثلاث اشهر وتستخدمونهم بشكل يومي فيجب ايقافهم لفترة راحه من شهر الى شهرين كل ثلاث او اربع اشهر من الاستخدام اليومي وذلك افضل وممكن تردون لهم بعدين.

2- اذا كنتوا تستخدمونهم  اما على الوجه او على مناطق الجسم الاخرى من ضمن بعض خلطات التفتيح يفضل ايقافها فترة تتراوح بين ٤-٧ ايام قبل وبعد ليزر ازالة شعر الجسم او الوجه على حسب مكان استخدامها 

وهذا الشي لتجنب اي اعراض جانبية والاقلال والحد منها كالحروق والجفاف و الحكة القوية والاحمرار والتصبغات نتيجة لجفاف وحروق الجلد 

والمدة ٤-٧ ايام هي مدة تقديرية تختلف باختلاف نوع المقشر لانه مو الكل يستخدم نفس نوع وقوة المقشر ويعتمد على طبيعة الجلد ومدى حساسيته بس النقطة اللي ابيها توصل ان يجب ايقافها قبل وبعد ليزر ازالة الشعر عشان نكون بالجانب الآمن ونحد من اي اعراض جانبية.

3- اذا جربتوهم وكان تجربتكم لهم بطريقة صحيحة ومن ضمن ضوابط المقشرات والتدرج ولكن مازالت بشرتكم تتحسس منهم فهذا يعني ما ناسبتكم وتوقفونها حتى لو كانت حلوة ونتايج روعة مع غيركم لانه بالنهاية البشرات مو وحدة والاختلاف وارد.

4- اذا كنتي على اكرتين او ديفيرين وصار حمل او حتى كنتي مخططه انج تحملين 🤰🏻 وقفيه قبلها حتى او ترضعين وما كنتي تدرين عن ضررهم وقفيهم عالفور لانهم غير آمنين للحامل والمرضع ❌.