البعض يشتكون من المقشرات تحديدا الديفرين والاكرتين ان مو زينين و لا تستخدمونهم  دمروا بشرتنا و نصيحتي لكم لا تبنون فكرة على استخدام اشخاص بشراتهم تختلف عنكم اواستخدموهم بطريقة غلط لانه كريمات الرتن A عجيبة!!

قبل اي شي الديفيرين والاكرتين امثلة عليهم و بكتب اساميهم و الاسم العلمي بين قوسين لان قد تلاقونهم على حسب الشركة المصنعة باسم مختلف ولكن الهم الاسم العلمي بين القوسين : الاكرتين [ الاسم العلمي: تريتنوين Tretinoin ] و٢- الديفرين [ الاسم العلمي : ادابلين adapalene ]

 

كريمات الرتن A فوايدها كثيرة حطيتها ببوست سابق و اليوم بنركز على استخدامها بشكل صحيح واهم الاشياء اللي انحطها بعين الاعتبار عشان الاستفادة منها، وعلى فكرة الكريم متوفر بالمراكز الصحيه لدى  اقسام الجلدية بالمجان و الديفرين يعتبر جزء مهم بعنايتي وفادني حيل في المحافظه على شباب بشرتي.

يعني تجربة المنتج لمدة زمنية بسيطة وبكمية قليلة على الوجه للتأكد من عدم التحسس وبعدها مع الوقت ممكن تنامون فيه و نقطة ثانية مهمة بالتدرج استخدام كريم اولا لان اخف من الجل ودايما ابتدوا بالتراكيز الاقل سواء بالديفيرين او الاكرتين وبعدها تقدرون تصعدون بالتركيز اذا احتجتوا  

وقفوا استخدامه بعد ثلاث اشهر عالاقل لمدة شهر راحة انا اذا تسوون نفس طريقتي استخدمهم فقط يومين بالاسبوع او ثلاث ايام بالكثير فهذي الطريقة تخليني اقدر استمر فيهم مدة اطول و اكثر دون فترة راحة كل ثلاث اشهر 

و بكمية بسيطه من الكريم اوالجل فقط على طرف الاصبع على كامل الوجه والرقبه بعيد عن حوالين العين مباشرة او حوالين الفم اذا في جفاف

وبعدها توضع بعده سيرومات وكريمات العناية الترطيبية 

٥- الصبح ضروري جدا تحطون حماية من الشمس قبل الخروج عشان ما يتحسس الوجه 

٧- يستخدم احدى الخيارات من هذي الكريمات باليوم ولا تدمج مع بعضها البعض و لكن ممكن خلط اي واحد فيهم مع نسبة كورتزون خفيفة كالالفاكورت واحد كريمات الهايكوين للخلطة الثلاثية للتفتيح 

على الاقل نوقف استخدام هالكريمات من١-٢يوم قبل وبعد الديرمارولار عشان ما تتهيج البشرة و نفس الشي بالنسبةلي جلسات ليزر ازالة شعر الوجه نوقفهم من٢-٤ايام قبل و بعد

د.جوووووج