بحث

سيروم واحد يخفي التجاعيد يقلص المسام يقشر التصبغات يخفف الحبوب دكتوره جنه خداده

سيروم R و نتايج خيالية على البشرة

اتمنى تستفيدون من هذا الموضوع و راح يغير من بشراتكم وايد هالشي ..
ما المقصود بسيروم R السحري و الخيالي : انا سميته بسيروم R نسبة للتركيبة الطبية و هي Retinol = ريتينول و قد يكون سيروم باسم مختلف و لكن اهم شي انه يحتوي على هذي التركيبه المهمه و هي الريتينول السحري .. ليش سحري للبشرة و نتايجه خيالية عالبشرة ؟!؟!
قد يهمك أيضا

لاني دايما اقول من المقشرات اللي اعتبرها سحر سحر عالبشرة و تستخدام منزلياً هي مقشرات الرتين A بطله و نتايجها ممتازه للامانه و منها الاتي : ادابلين [ ديفيرين ] .، ترتينوينون [ اكرتين ] و الريتينول و هو من نفس العايله و لكنه البديل الاخف عالبشرة للديفيرين و الاكرتين ✅ و خاصة اللي بشراتهم ماتتحمل الديفيرين و الكرتين دايما اقولهم عليكم بالريتينول او سيرومات ليلية تحتوي على ريتينول عشان جذي بعضها يصير من ضمن الخلطة الثلاثية .

سيروم Retinol الريتينول

 قد يكون على هيئة كريم او سيروم ك و ينكتب عليه Retinol 👍🏻👍🏻😍😍 و هي المادة العلمية الفعاله من مشتقات فيتامين A
المفروض تلاقونه باغلب الصيدليات بغض النظر عن البراند لاني ماراح اقيدكم باسم براند معين تقدروون تاخذون اللي يناسبكم من البراندات بس حطيت لكم اسم المادة بالسيروم و يكون الشي موثق و مكتووب عالعلبة انه تحتري على ال Retinol 😍😍

شنو فايدة ال Retinol و ليش سحري و خيالي ؟!


١- التقشير المنزلي الفعال لانه يجدد خلايا للبشرة
٢- ازالة طبقة الخلايا الميتة من البشرة فيساعد على وصول و امتصاص و بالتالي فايدة اكثر للسيرومات اللي انحطها على بشرتنا
٣- شد البشرة و مقاومة التجاعيد فعال جدا جدا
٤-ازالة الكلف و النمش و التصبغات الخفيفة بالبشرة و مقاومة ظهور حب الشباب بالبشرة
٥- تضييق المسامات الواسعة

ملاحظات مهمة:

- لا تصلح للحامل و المرضع لاحتواءها على فيتامين A
- لكل مقشر طريقة استخدام خاصة و كل بشرة تختلف عن الاخرى و لكن غالبا ننصح باستخدامها ليلا بكميات قليلة و نرطب بعدها و ما ننسى الصبح الحماية و خاصة بفترة التقشير

الخلاصة :

- لا تهملون الريتينول اذا ما كنتوا حوامل او مرضعين او المقشرات من مشتقات فيتامين A لانها تسوي كل الفوائد اللي ذكرتها فوق و خياليه مع الاستخدام

- لا يتعارض استخدامه مع اي مقشرات كالاكرتين و الديفيرين بس اليوم اللي تستخدمون فيه سيروم الريتينول لا تستخدمون مقشرات ثانية افضل.. انا عن نفسي اسوي تبادل بالمقشرات ثلاث ايام مقشرات قويه و اربع ايام بالاسبوع مقشرات خفيفه كلهم بليل طبعا👍🏼✅
..
د.جوووووج
ليست هناك تعليقات :

ليست هناك تعليقات :

إرسال تعليق

الاشتراك في: تعليقات الرسالة ( Atom )