البديل الافضل لكريم ديفرين و اكرتين

دايما اقول من المقشرات اللي اعتبرها سحر سحر على البشرة وتستخدم منزلياً هي مقشرات الرتين A بطله ونتايجها ممتازه للامانه واهمها هو الديفرين و الاكرتين واثنيهم نفس الوظيفه والفائده ولكن الفرق ان كريم الاكرتين اقوى من الديفرين وشارحه بالتفصيل بموضوع سابق طريقة استخدام كريمات تقشير البشرة وفوايدهم .

ما هو بديل الاكرتين و الديفرين ؟

الشي اللي يضيق خلقي لما تقول البنت  ان غير متوفر بديرتهم او انه منقطع فترة او ان استخدمت هذه الكريمات لكن تحسست او ماناسبة البعض وما هو البديل اذا نبي شي نفس الوظيفه بالحالتين؟!

البديل الاقرب للاكرتين او الديفيرين واخف منهم على البشرة

ويفضل يكون صافي من غير وايد اضافات معاه او يكون اهوا التركيز او التركيبة الاكثر بالسيروم ويكون الشي موثق ومكتووب عالعلبة Retinol 😍. 

ما هي فوائد الاكرتين او الديفرين او بديلهم اللي اهوا ال Retinol ؟!

1- التقشير المنزلي لانه يجدد خلايا للبشرة
2- ازالة طبقة الخلايا الميتة من البشرة فيساعد على وصول وامتصاص السيرومات اللي انحطها على بشرتنا، بالتالي استفادة اكثر للبشرة ونتيجة اسرع. 
3- شد البشرة و مقاومة التجاعيد
4- ازالة الكلف والنمش والتصبغات الخفيفة بالبشرة ومقاومة ظهور حب الشباب في الوجه.

ملاحظات مهمة عن كريمات تقشير الوجه 

1- كريمات تقشير البشرة لا تصلح للحامل والمرضع لاحتواءها على فيتامين A وهنا البديل الامن للحامل والمرضع. 

2- لكل مقشر طريقة استخدام خاصة وكل بشرة تختلف عن الاخرى ولكن غالبا ننصح باستخدامها ليلا بكميات قليلة ونرطب بعدها وما ننسى الصبح نضع الحماية من الشمس وخاصة بفترة التقشير.