سؤال وجواب الجزء الأول

افضل مرطب للبشرة المختلطة طبي

وحده من المتابعات تسأل عن نوع بشرتها، تقول أماكن من بشرتها دهنية شوي تزيت، وباقي البشرة جافة، تعتبر بشرة مختلطة، دام جزء جاف وجزء منها دهني، جزء عادي تحسينه او جزء دهني دائما احنا نقول مركبة او مختلطة، طبعا هذه من البشرات اللي شوي صعبة، مو اي منتجات تركب لها ليش؟ لان اذا استخدمت أشياء البشرة الدينية في المناطق اللي ببشرتها جافة، رح تجف زيادة، واذا استخدمت الاشياء اللي تستخدم حق البشرة الجافة في المناطق الدهنية، ممكن تزيت عندها بزيادة، انا دائما اقولهم استخدموا الاشياء اللي حق البشرات العادية دايما تبتدوا فيها، عشان توصلون حق شي مناسب.

اسباب تصبغات الجسم

عادة أي تصبغات بالجسم دائما أبتدي معاها ببعض النصايح أهمها: إنزال الوزن فترة العلاج، لان أنا ما رح أبتدي معاها وهي سمينة جدا وممكن حتى لو أعالج لها، نسبة بسيطة للإستجابة، لأن في مقاومة انسولين عالية، يعني مو إنه تجاريا يلا روحي سوي تقشير، روحي احقني، روحي سوي وما رح تستفيد لأن في عندها مقاومة انسولين عالية، لذلك:

1- تنزلي وزنك. 2- ممكن روتين يعتمد على صنفرة للجسم وكريمات تقشير وتفتيح بالمنزل. 3- إذا ما فاد ممكن تسوي تقشير بالعيادة ثلاث جلسات مثلا جلسة كل شهر أو شهر ونص، وممكن في أنواع من الليزر معينة نستخدمها، وحقن ميزه لبعض المناطق اللي عندك بالجسم، فهذي بعض الحلول اللي أنا أعطيتك إياه، لأن أنا ما أدري أساسا الدكاترة اللي راجعتيهم شنو سولك أو مدى شدة المشكلة اللي عندك.

كريم سكينورين

انا استخدم كريم سكينورين وايد ارتحت عليه، يعني في ناس ما تستجيب وايد، وهي مرتاحة عليه البنت تقول هل اقدر استمر عليه سنين؟ كريم سكينورين يحتوي على تركيبة اساسية طبية اسمها الازيلك اسيد، آمنة جدا حق حامل حق مرضع، آمن انه تستمرين عليها فترة طويلة، ولكن انا مع الراحة بين الفترة والثانية عشان بشرتي شوي بعد ترتاح من المقشرات، لذلك طريقتك ما فيها اي مشكلة تقدرين تكملين، انا عن نفسي اساسا لما كنت استخدمه اسويه بالتبادل مع كريم ديفرين، كنت استمر ست شهور واخذلي فترة مثلا شهر شهرين ليش؟ لانه مو يوميا قاعد استخدم كل نوع، كل واحد قاعد استخدمه مرتين لثلاث مرات بالاسبوع، وحلو انه نوقف بين فترة والثانية بالمقشرات ناخذ راحة، حتى بالروتين اللي بشكل يومي اغير في، انوع فيه، بس بطريقة ما ضرب بشرتي.

علاج جلد الدجاجة

المشكلة اللي عندها هي قاعدة تقول تحت الابط عندي مثل جلد الدجاجة، اللي فهمته انه يكون في رؤوس مكان منابت الشعر اذا كنت موفقة اني عرفت مشكلتها، انا اقولكم في بعض الاشياء لازم تنشاف بالعين، ولكن اللي فهمتها منها ان عندها هذه المشكلة، جلد الوزه تحت الابطين على كلامها طبعا هي شخصت نفسها وممكن يكون احد شافها وشخصها، يكون عندها رؤوس بمنطقة الابطين من اماكن منابت الشعر، ويضايقها المنظر.

طبعا اقولها حاولي تخلين طريقة ازالة الشعر بمنطقة الابط الليزر، هذه اول نصيحة، اثنين صنفرة تكون ناعمة على هذه المناطق بحركة دائرية بشكل أسبوعي ثلاث مرات أو مرتين بالأسبوع على الأقل دقيقة تحت الشور حق هذه المناطق، وبدلا من الديفرين والأكرتين حق هذه المناطق اللي ممكن يحسسه، استخدمي أحماض الفواكه وابتدي بتركيز خمسة بالمية AHA خمسة بالمية، تستخدمينه مرة باليوم، تكوني ما وراك شاورما وراك تعرض للشمس، وبكمية بسيطة لما يمتصه الجلد، و تكررين هذه الطريقة و إن شاء الله تشوفين نتائج.

كريم يزيل اثار الحبوب

اثار الحبوب الحمراء أو اللي تصير مايلة على وردي أحمر عقب ما تروح بني فاتح، طبعا في بنات تقولي استخدمنا وايد كريمات ما فادتنا، بعطيكم تركيبة حرصوا إن تكون موجودة سواء بسيروم او كريم بعنايتكم الليلية، اللي هو مادة الترانزمك اسد ، فعالة جدا في علاج هذه المشكلة، الحبوب اللي تروح وتترك أثر أحمر، حرصوا إنه تستخدمون عناية تحتوي على هذه التركية، لأنه رح تشوف النتائج خلال استمرار الإستخدام يوميا بشكل يومي بروتين على الأقل مدة لا تقل من ست لثمان أسابيع قبل لا تحكمين على أي منتج بعلاج بشرتك أو المشكلة اللي تعانين منها. 

منتجات ذا اورديناري تجربتي The Ordinary

لمن تسألوني دكتورة شو رأيك ببراند ذا اورديناري، دكتورة هابين به، قولي رايك فيه دكتورة؟ شوفوا طبعا وايد يوصلني عليه أسأله، في أشياء حلوة عند اورديناري، يعني كان من إحدى البدائل تذكرون مرة لما هبيتوا إنتوا بكريم سكنورين، بداياتي هالكلام يمكن من ست سنين، إنقطع كريم اورديناري اللي فيه تركيبة سكينورين، شوفوا أنا أقولكم التركيبة وذا اورديناري كان موجود حطيته كبديل، يعني في أشياء زينة من كل براند لابد تلاقين شي زين بس عرفي شنو تستخدمين تمام، يعني كلامي واضح يعتمد على التركيبات وممكن حتى التركيبات من بعض البراندات تناسب الانسان وما تناسب انسان اخر، بس كبراند انا اصلا واحد من الامثلة اللي حطيتها اياها من زمان لما انقطع السكينورين، قلت لكم اذا لقيتوا شي مناسب بالسعر من براندات معينة منها ذا اورديناري الازيلك اسد كان موجود فيه بتركيباته، إحنا دايما ندور على التركيبات ما ندور بس على إسم البراند وغيره، فهذا رأيي.

توحيد لون البشرة وإزالة التصبغات

توحيد لون البشرة بالبيت بإختصار لازم تدخلين روتين الليل أحد الخيارات اللي تناسب تقشير هذي التصبغات، سكينورين نقصد فيه الازالك اسد، الخلطة الثلاثية اللي هي نسبة مع الكورتيزون مع الهيدروكينون ونسبة من كريمات الرتن اي، احماض الفاكهة، هذه الاشياء تقشيرية، ريتينول وهو خفيف جدا، يعني افضل الاختيارات الاولى انزين، ودايما يكون هذا الشي بروتينك موجود، اذا عن اختيارات العيادات الليزر هو على القائمة منها انواع البيكو ليزر، عندكم ممكن بلازما تفتيح مع الميزو، عندكم التقشير الكيميائي، كثير من الاختيارات، الديرما بن في منهم تفيد معهم بالتصبغات والآثار وهذه باختصار العلاجات المتوفرة.

شامبو علاج تساقط الشعر

 شامبو للتساقط حلو: طبعا شوفوا الشامبو مو هو العلاج الوحيد للتساقط هذا خالصين منه، في علاجات كثيرة للتساقط بس في بنات دايما يسألون دكتورة شنو شامبو حلو يساعدني بعلاج التساقط؟ انا بحطلكم شامبو انا شخصيا استخدمته وجدا رائع يحتوي على خلاصة زيت الخروع ويحتوي على الخلايا الجذعية، وايد حلو من براند ايطالي اسمه بريليل Brelil حطتلكم صورته ، هذا من الاشياء الحلوة جدا كشامبو حتى اللي فروتها مثلا دهنية تبي شامبو يرغي حلو، حلو حق التساقط، وحلو حق الشعر هذا وايد حلو، يعني انا استخدمته عن تجربة ومو اعلان له ولكن فعلا كبراند كان جدا جميل الشامبو عنده، يعني حتى انا مجموعته بالكامل استخدمته فترة كان جدا جدا جميل الشامبو مره.

المسام الواسعة في الخدود 

شوفوا الكريمات حلوة وفعالة وتساعد في تقليص المسام، ولكن إذا كان المسام واسعة عندكم إحدى الخيارين من الآخر، إذا ما عندكم وايد إمكانيات مادية إبتدوا بالديرمابن مثلا عند عيادات مختصة تعرف شغلها تعرف التدرج بالمقاسات، إذا عندكم إمكانيات مادية توجهوا للأجهزة الحديثة من الليزر واحد من هذي الأجهزة هو البيكو ليزر، رح تشوفون نتائج روعة وخاصة إذا الدكتور شاطر ويعرف يستخدم الدرجة الصح بالليزر مال بيكو من الآخر، المسامات الواسعة الديرما رولر تبتدين فيه أو بعض الأجهزة التي تحتوي على مع المايكرونيدلنج، الشي الثاني الليزر مثل البيكو ليزر.