خلطتي الخاصة بعد الدرما رولر الاشياء المفضلة ، د. جنة خداده
ماهي الاشياء المفضلة بعد ديرمارولار الوجه مباشره
انا خذت وقت لاني دايما احب اجرب كذا شغله و احط شي مميز بينها لذلك ماحب استعجل بشي المهم الحين الاشياء المفضلة بعد الديرمارولار شيين : .
١- سيروم فيتامين سي للنضاره و التفتيح
٢- سيروم يحتوي على هيالورينك اسيد لمقاومة التجاعيد و لشباب البشره
عن نفسي بحط بالتفصيل لكم الاشياء اللي استخدمتها على مدى اشهر بس ركزوا و اقروا لي الاخر .
اولا :
موضحتهم بالصوره: انا كنت استخدم بعد ماخلص الديرمارولار مباشره سيروم من ريكسول ينكتب عليه C+ E لانه فيه نسبة فيتامين سي اقل من ٥٪ و هالشي ابيكم تعرفونه البشره تكون متهيجه فمو اي احد يتحمل تركيز اعلى من ٥٪ كبدايه و بعد ماحط هالسيروم انطر عشر دقايقو احط سيروم انا احبه من Biologica اسمه Facial serum لانه تركيبته الاساسيه هي الهايولورينك اسيد و من كثر ماهو مركز فيه لزوجته عاليه جدا تخيلوا نقطه وحده بس تتوزع على كامل الوجه و ممكن حتى الرقبه بسهوله و سريع الامتصاص عجيب شويه عليه اعشقه 💘
ثانيا :
موضحتهم بالصوره : بعد ما بشرتي تعودت على سيروم ريكسول اللي كنت استخدمته يعني تقريبا ٦ مرات بعد الديرمارولار اللي اسمه C+E رفعت بعدها تركيز سيروم الفيتامين سي نفس الشي من ريكسول بس نسبة الفيتامين سي فيه ١٠٪ ينكتب عليه vitamin C-10 serum بس ها ها ✋🏼 لازم تعرفون مو كل بشره تتحمل تركيز ١٠٪الا اذا تدرجتي بالتركيز نفس ما سويت و اذا بتبدين بالعشره بالميه جربيه على منطقه صغيره من الوجه و هم احتمال ما تتحمل فتظلين على التركيز الاقل عشان اكون واضحه معاكم و بعدين سيروم فيتامين سي اللي استخدمه من ريكسول على شكل قطاره يكفي ٤ قطرات على كامل الوجه لا تكثرون عنها كلش كلش✋🏼✋🏼✋🏼✋🏼
و بعد السيروم مال فيتامين سي انطر نفس الشي عشر دقايق و احط السيروم من Biologica العجيب و الاختيار بالنهايه لكم من المنتجات بس هذي اللي استخدمتها و حبيتها فحطيتها
يعني باختصار 💕💕
بعد الديرمارولار مباشره نحط سيروم فيتامين سي و نتدرج بالتركيز نفس ماشرحت و بعدها بعشر دقايق نحط شي فيه هيولورونيك اسيد لان الفيتامين سي حق النضاره و التفتيح و الهايلورونيك اسيد يحمي شباب البشره و يأخر ظهور التجاعيد فأفضلهم دايما بعد الديرمارولار ..
.
جوووووج
------
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق