طريقة استخدام الدرما رولر في البيت ، د. جنة خداده
طريقة استخدام الديرمارولار
الفيديو السابق حطيت فيه كل شي عن الديرمارولار مقاساتها والفترات بين استخدامها والحين طريقة استخدامهاو الحلو فيها ممكن تستخدمينها بالبيت😩😻 انا✋🏼من فتره عليها و وصلت مقاس ١ مللي بدون ماحط كريم مخدرموضعي عالوجه
الحين👇🏼👇🏼👇🏼
اول شي تشيلين اي مكياج وتغسلين الوجه لازم يكون نظيف و تجففينه من الماي وغسلي ايدج بعدها حطي المخدرالموضعي اللي ممكن تستخدمينه في حالة انج بتستخدمين ديرمارولر مقاسها كبير وتقديرين تستغنين عن المخدر بالمقاسات نص مللي 5. و حتى 1 واحد مللي اناعن نفسي تحملت الالم و طبعا بالنهاية كل واحد و تحمله و لازم تكون الديرمارولار معقمة طبعا
بعدها مثل ماوضحت بالفيديو تجنبي بس منطقة حوالين العين مباشرة لكن تقدرين تسوين كل الوجه وحتى الرقبه والذقن والخشم بعد😻بحيث كل منطقة بتمررين عليها الديرما رولار من٤-٦جرات بكل الاتجاهات عامودي و أفقي و مائل ( الجرة الوحدة اهي حركة الديرمارولار تكون فيها فوق وتحت واحسبها جرة وحدة )
و الضغط انتي تتحكمين فيه لايكون خفيف وايد ولا عنيف يعني يكفي انج تحسين بشكات الابر او وخزها وهذا الشي طبيعي اناوضحت بالفيديو الطريقة لكم جداسهلة و كل ما تخلصين منطقة تروحين المنطقة اللي بجانبها لي تخلصين كل الوجه و لما تخلصين المتوقع وعادي احمرار بكامل الوجه المعالج بالديرمارولار وممكن نقط دم بسيطة خاصة مع المقاسات اللي اتعدى واحد مللي فلا تحاتون 👍🏼
و بعد شنو كنت بقول🙄🤔🙄اي تذكرت 😹😹😹 مهم ان اذا بتطلعين بالنهار بعد استخدامها تحطين كريم حماية من الشمس
و بس تخلصين طبعا لازم تعقمينها عشان استخدامها بالمرات اللي بعدها و طريقة التعقيم تغمرينها بكحول ٢-٤ دقايق و بعدها غسليها بالماي😻👍🏼👍🏼 وايد نتايجها خيال و سعرها مو غالي و تسوووينها بالبيت في احلى من جذي و تعالج مشاكل كثيرة بالبشرة شرايكم وانااهتم فيكم و احط لكم اشياء سهلة و مفيدة تسوونها و انتو بالبيت🙈😩👏🏻و الله هالاختراع شي جميل
فوايدها كبيره
تقلل المسام تشتغل على اثارحب الشباب والندب الناتج منها وعلى التصبغات وتحسن من التجاعيد الخفيفه كأنها ترمم البشرة لكم مرة ثانية وفوق هذا كله والاهم بعدجلسة الديرمارولار مباشرةنسبة امتصاص البشرة لأي سيرومات يزيد اضعاف اضعاف اضعاف اضعافعشان جذي البوست القادم راح يكون فيه السيرومات او الكريمات الممتازة مباشرة بعد الديرمارولار عشان تصير البشرة خيال و كلها نضارة 😻✋🏼✋🏼 واكون كملت لكم كل شي بالتفصيل عن الديرمارولار❤❤❤أحبكم
.
.
جوووووج .
عجبكم الفيديو ؟!؟!!! منشنوا الناس المهتمين بهالشي❤
-------
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق