الديرما رولر أداة أكثر من رائعة .

بشرح بالتفصيل عنها وكل كلمة مهمة أتمنى تقرون للنهاية

ماهي الديرما رولر ؟!

هى عبارة عن بكرة تمتلئ بالابر المسننة واطوال هذه الابر تكون صغيرة جدا بالمللي وتعمل الديرمارولر على تحفيز انتاج الكولاجين المسؤول عن صحة البشرة وجمالها وعلى فكره استخدامها سهل ومو غالية 😻 لازم تاخذونها من مكان معتمد كالصيدليات ومتى ماشريتوها لا تتشاركونها مع احد لان ما يصيرهالشي👍🏼

طريقة عمل الديرما رولر ؟!

نمرر البكره عالبشرة بجميع الاتجاهات والفيديو القادم في تفاصيل الطريقة بس ابيكم تعرفون ان كل بكرة فيها فوق ال ٥٠٠ ابره ولما نمررها عالبشرة راح تسوي ثقوب صغيرة جدا وهالثقوب راح تحفز انتاج الكولاجين فتعالج البشرة

مقاسات الديرما رولر 🙄

بكرات متوفرة بمقاسات مختلفة حسب طول الابر اللي فيها والمقاسات من ربع مللي الى ثلاثة مللي ( 0.25 – 0.5 – 0.57 – 1 – 1.5 – 2 – 3 ملي متر) 

بس طبعا اللي تبي تبدي بالبيت تبدي يا اما ربع 0.25 مللي او نص 0.5 مللي لين ما تتعود البشرة والالم بهالمقاسين محتمل مايحتاج مخدر موضعي ونقدر نستخدمها بالبيت😻 انا حاليا استخدم مقاس نص مللي حاطتها بالصوره ☺ .

أهم شي وصلنا ل فوائد الديرما رولر والله كثيرة لا تعد و لا تحصى😩

- تخلي الوجه صافي وفيه نضارة وخاصة اذا استخدمتي وراها مباشرة امبولات فيتامين سي اوسيرومات فيتامين سي بتركيز لا يتعدى الخمسة بالمية عشان ما تتهيج البشرة وليش مباشرة لان الامتصاص والفايدة تزيد أضعاف و النتيجه خيال مع الوقت راح تحسونها

- تقلل بشكل ملحوظ مشكلة المسامات اللي علطول تسألوني عنها😻 

- تعالج الندوب السطحية

- أثارحب الشباب كذلك ممتازة بتقليلها - تستخدم على فروة الراس بعدلانهاتعالج مشكلة تساقط الشعر☺يعني موبس للبشرة

عدد الجلسات للديرما رولر ؟!

حسب المشكلة وحجمها يعني المفروض اول شهر مرة بالاسبوع وخاصة اذا كانت المسامات بالوجه كثيرة وكبيرة واذا لمجرد نضارة ممكن جلسة كل عشر أيام او مرة كل أسبوعين بس الاكيد انه مو يوميا طبعا 😻✋🏼✋🏼

موانع استخدام الديرما رولر - متى ما أقدر استخدمها 👇🏼 ؟!؟!؟!

_ وجود حب شباب جديد او جرح جديد

– فترة استخدام المقشرات القويةاللي تسبب جفاف شديدبالبشرة

_ منطقة محيط العينين .

الأثار الجانبية للديرما رولر

دايما اقول بالديرمارولار سوء استخدامها اهو اللي يسبب اثار جانبية مثل اختيار مقاس كبير أوعدم الالتزام بالوقت بين المرة والأخرى و ممكن تعانين من خروج دم 

لكن باقي الاثار الجانبية بسيطة مثل ألم بسيط نتيجة وخز الإبرو احمرار البشرة في اللي يروح خلال ساعتين او ممكن يطول يوم و يخف مع المرطبات 😻 وساعات نقط دم بسيطة تصير مع حجم١مللي واكبر وعادي هالشي☺ .