طريقة استخدام الدرما رولر في منطقة حول العين ، د. جنة خداده
الديرمارولار لمنطقة حوالين العين
حطيت من قبل كل ما يتعلق بالديرمارولار للوجه بالتفصيل و اليوم راح اشرح لكم طريقة استخدام الديرمارولار حوالين العين و قبل لا ابتدي الشرح حبيت اقولكم شي مهم عجلة الديرمارولار حوالين العين تكون اقل عرضا من مالت الوجه و الابر فيها اقل نوعا ما ليش ؟!
شنو فايدتها
تحسن من منطقة حوالين العين تشتغل عالخطوط اللي توها باديه و صغيره و الاهم من هذا انه بعد استخدامها على طول اذا حطيت حل غني بالهايلورونيك اسيد و شي فيه نسبه بسيطه من فيتامين سي الامتصاص بيكون اضعاف الامتصاص للسيرومات بدون استخدامهافبالتالي المنطقه حوالين العين بتستفيد بشكل كبير و تتحسن اكثر عادة استخدامها يكفي مرتين بالاسبوع و استخدامها جدا سهل بشرحه الحين و اللي ما تعرف تستخدم مالت الوجه يعني سهله بتكون عليها حوالين العين .
طريقة الاستخدام للديرمارولار حوالين العين :
١- منطقة -١- حاطتها لكم بالبوست فوق عشان تكون واضحة لكم هي منطقة جوانب العين جدا جدا جدا سهله و الجلد فيها اسمك من تحت العين مباشره كل اللي عليج تسوينه تحركين عجلة الديرمارولار باتجاهات مختلفه يعني اولا ٦ جرات عموديا ثم ٦ جرات افقيا ثم ٦ جرات مائل للداخل باتجاه العين و ٦ جرات مائل باتحاه خارج العين
اذا المنطقه عندج كانت عريضه تحركي للمنطقه اللي بعدها لين تسوين للمنطقه اللي بحوانب العين بالكامل و لاحظوا الجرات كل جره فيهم تعتبر روحه و رده يعني رايح راد جره تعتبر 💎💎💎💎
٢- نخلص نروح لمنطقة تحت العين مباشره اذا الجلد راهي لازم شري اتشدينه بايد و الايد الثانيه تستخدمين الديرمارولار بس ما قدرت لاني قاعده اسجل لكم بس قلتها بالفيديو بالنسبه للمنطقة -٢- بس نكتفي بعمودي ٦ جرات و افقي ٦ جرات لانها منطقه صغيره الضغط راعوا انه ما يكون حيل قوي او حيل خفيف يعني مجرد ما تحسين بشكات الابر جذي تمام 💎💎💎💎
٣- انيي لمنطقة الجفن العلوي اذا كبيرة عندكم او فيها مساحه تحتاجين ٦ جرات عمودي و ٦ افقي لكن عادة عند الاغلبيه تكون صغيره و مافي مجال و يكفي و افضل بس انحركها افقي ٦ جرات .
بسيطه بالاستخدام ومنطقة حوالين العين راح تاخذ للاثنين دقيقتين بس لانه شفتوا لما سويتها سهله المواضيع اليايه راح اخصصها لكم عن الجل اللي يكون مناسب بعد الديرمارولار لمنطقة حوالين العين
اتمنى تكونون استفدتوا من اي شي بسيط احطه 💘💘
💘💘
..
د.جوووووج
------
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق