السيروم يختلف عن الكريم في التأثير على البشرة - د جنة خداده
🤓🤓🤓السيروم يختلف عن الكريم🤓🤓🤓🤓
انيي عن المختصر المفيد بالفرق بينهم ؛
- الكريم ترطيبي اكثر و المواد الفعاله اللي فيه سواء هايلورونيك اسيد او فيتامين سي او بيبتايدز او مواد مبيضة او تفتيحية كالاربيوتين او فيتامينات او غيرها من المواد الفعاله تكون اخف قوة من السيروم لان الكريم وسطه الترطيبي و تركيبته يتغلب عليها الترطيب و هذا لا يعني انه مووووو مفيد و لكن تركيز المواد فيه تصير اخف لوجود ترطيب اكبر و يعتبر مهم بروتينا اليومي ✅✅✅✅
- السيروم : يختلف عن الكريم حيث ان المواد الفعالة اللي في السيروم تكون اقوى و اكثر فعالية و نتايجه قد تبين اسرع من الكريم لان الوسط الترطيبي اللي فيه اقل من الكريم فيكون مركز اكثر بالمواد الفعالة و قلنا شنو القصد بالمواد الفعالة فوق تكون على حسب الغرض من استخدام الكريم او السيروم 😍😍😍😍
بشرح بسيط يوضح اكثر قلت المثال اللي بالفيديو و هو مجرد مثال توضيحي :
تخيلوا ان عندنا كأسين واحد مليناه ١- نصه بالماي و الاخر ٢- مليناه كله فل بالماي و يبنا قفشة او ملعقة سكر واحده متساوية و ذوبناها بكل واحد فيهم نفس كمية السكر و هو ملعقة واحدة فقط طيب منو اللي يعتبر سيروم اهني؟!
اكيد اللي كان في نصه ماي لان تركيز السكر بيكون اعلى و الكريم بيكون رقم ٢ لان تركيز السكر فيه اقل لانه كمية الماء اعلى .
هذا مجرد توضيح اتمنى وفقت فيه و هذا بشكل عام لمعنى الاخلاف بين السيروم و الكريم و لازم الكل يعرف ان البشرة الناضجة قد تحتاج الاثنين لان الترطيب بالكريم مهم كثر ما المواد الفعالة بالسيروم مهمة للبشرة 😍😍😍😍 .
د.جوووووج
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق