ليس اذا كانت عندكم حبوب بالوجه او اطلعت لكم حبة فجأة قبل المناسبة تتعبثون فيها وما تعالجونها علما بان العبث فيها ماراح يكون حل مناسب والحل المناسب هو علاج الحبوب على حسب حجمها اذا كانت مو وايد كبيرة يكفي استخدام ابيديو جل ثلاث الى اربع مرات باليوم لمدة يومين و تلاقونها انشفت و انحلت مشكلتكم من غير ماتعرضون بشرتكم لمشاكل نتيجة العبث بهالحبوب

و كل ما اطلعتلكم حبة قمتوا وبطّيتوها او ضغطتوا عليها وهالشي خطأ وراح يسبب كثير من المشاكل منها الندبات اللي تصير مكان الحبوب والتصبغات والسواد مكان الحبة يكون اكثر من لو عالجتوها صح ف الصغيرة منها بابيديو جل و الكبيرة حييل بالحجم بحق الكورتزون الموضعي للحبه و في نوع من الحبوب اللي تطلع فجأة ٢-٣ حبات بالوجه حتى لو ما عالجناها تختفي اذا ماكان في عبث فيها خلال فترة حوالي الاسبوع عند البعض حتى من غير علاج.

لا تسمعون اللي يقول لكم بطي الحبوب و حطي عليها فيوسيدين هذا مو حل ومع الوقت حبه ورى حبه تطلع و تسوين نفس الطريقة راح تنتهي بشرتكم باثار بقع وندبات و تتدمر البشرة والحل نصيحة : متابعة مع الطبيب المختص 👍🏻👍🏻👍🏻👍🏻 مع ان في ناس مايقدرون يقاومون و بس تطلع الحبة ايدهم تبتدي تشتغل تلقائيا.