تفتيح اسمرار الشفاة (الحلول والكريمات)

1- ترطيب الشفايف ٢-٣ مرات باليوم مهم مثال رقم واحد 1 أحد الامثلة ومتوفر بالمراكز الصحية وهو البيبانثين المرهم الوردي.
2- ممكن تختارون مرطبات للصبح عالاقل يكون فيها نسبة حماية من الشمس وممكن بعد فيها فيتامين سي خفيف عشان يساعدكم مو بس بالترطيب ولكن كذلك بالتفتيح فعادي بس اختاري صح.

3- مثال رقم 2 هذا مرهم البروتوبيك 0.1 protopic مرهم يتاخذ بوصفة طبية له تركيزين حلو ومميز يفيد كثير لان غالبا العوامل اللي فوق من جفاف ولعق وغيرها تسبب نوع من التحسس والاكزيما للشفاة وهالمرهم يستخدم لمرضى الاكزيما اساسا كبديل لكريمات الكورتزون ومثل ما انتو عارفين ما نقدر نستخدم الكورتزون ولمنطقة الشفاة لذلك فهذا المرهم يفيد الكثيرين في : تفتيح الشفاة وممكن احد ياخذه عن طريق دكتور ويجربه وخالي من الكورتزون ولا تحكمون عليه قبل شهر الى شهرين نصيحة الصبر مهم.

4- في نوع من انواع الليزر وهو Q Switched Nd Yag Laser بالعيادات ممكن من اول جلسة البنت تشوف فرق في التفتيح وممكن تحتاج جلسیتین وعالاقل بينهم 4-6 اسابيع بس في نتايج بالتفتيح وملموسة لان هذا النوع من الليزر مخصص لتفتيح التصبغات.

5 - حقن فلر الشفايف هل يفتح الشفايف؟ ! اهوا يشد جلد الشفاة والتعبئة تعطي شعور ان فتحت المنطقة ولكن ماهو حل دائم.
6- ابر تبييض الشفاة او ميزو الشفاة مافي اثبات بالكامل ان مفید او حتى مضر ولكن البعض قد يشوف نتایج فقلت اقولك وانتو بعدها حرين تسوونه او لا.