أيهما أفضل لإزالة شعر الوجه الخيط أم الشمع؟ 

غالبية البنات تحتاج تحف الوجه [ او تزيل شعر الوجه ] سواء مره بالشهر او مره كل اسبوعين او حتى كل عشر ايام، حسب طريقة إزالة شعر الوجه والتي شرحنا أفضل طريقة لإزالة شعر الوجه في موضوع سابق، وتعرفون اكيد ان الوجه يكون متهيج واحمر وقد يصاحبه حكة باليوم نفسه لحف الوجه فنصيحتي لكم كالتالي :

1- بنات باليوم نفسه اللي تحفين فيه الوجه [ تزيلين فيه شعر الوجه] بأي طريقة كانت للحف سواء بالخيط او الشفرة او الشمع او الليزر >> راعي ان اليوم نفسه ويوم او يومين بعد الحف على حسب شكثر يظل معاكم التهيج والاحمرار، انكم توقفون اشياء معينة من روتينكم اذا كنتوا اساسا تستخدمونها كالمقشرات القوية او خلطة ثلاثية او حتى سيرومات فيتامين سي بتراكيز عالية لان ممكن اذا استخدمتوها وانتو للتو حافين الوجه هالشي يزيد الاحمرار والتهيج وعند البعض قد يسبب حبوب خفيفة. 

لذلك الافضل ان توقفونها ايقاف مؤقت لغاية ما تهدى البشرة من الاحمرار او الحكة بس باليوم نفسه لحف الوجه وبعده مثلا بيوم او يومين وتالي تردون عليها عادي بس يخف التهيج.

2- اما الترطيب والحمايات والمنتجات اللي ما تسبب تهيج للبشرة فعادي تكملون عليها .. لاني اقصد فقط الاشياء المقشرة بالروتين او تراكيز عالية من سيرومات سي، واكيد دايما انتي كبنت تعرفين لبشرتج وشلون تتعاملين معاها ولكن هذي نصيحة بسيطة يمكن الكثير منكم غافل عنها فقلت انبهكم لهذي الشغلة.

3- اما اللي عادي ومرتاحين وبشرتهم ما تتهيج ممكن يستمرون على الروتين دون ايقاف وخاصة اذا البشرة كانت ما تتهيج ولا يصير فيها حكه 👌🏻👌🏻 وشكرا بنات 🌷🌷.

د.جوووووج