طريقة تفتيح منطقة الابط

منطقة الابط .. دايما معرضه لتصبغات بحكم انها رطبه وفيها عوامل احتكاك واشياء كثيره منها زيادة الوزن في عوامل كثيره مهمه غير الكريمات للمساعده على تفتيح الابطين منها:
1- طريقة ازالة الشعر لهذه المناطق ويفضل الليزر وهالشي يساعد في التخلص من سواد الابط.
2- كذلك عدم وضع معطرات غير مناسبة واذا حدثت الالتهابات علاجها مهم حتى لا تترك اثر يصعب ازالته.
3- شي مهم تنزيل الوزن يقلل من تصبغات المناطق الحساسة بشكل عام مو بس الابطين.

افضل بداية ؟! نبدي دايما بمقشرات امنه للجميع وحتى للحوامل والمرضعات مثل كريم سكينورين يستخدم بس ترى ما يفتح المنطقه بيوم وليله ولكن ياخذ وقت ولازم مو بس نستخدمه ونهمل الاشياء اللي قلتها فوق، وينحط يوميا بليل على المنطقة كمية قليلة منه وممكن تخلط معاه كريم بيبانثين الازرق او تحط البيبانثين بعد المقشر وترطب المنطقة مرتين باليوم لانه الطريقة الصح هي التقشير والترطيب.

وغير هذا الكريم ممكن احماض الفواكه تركيز 5% كبداية وممكن بعض الحالات تستجيب للهيدروكوينون مثل هايكوين والدوكوين ولكن للمنطقه الحساسه يجب استخدامه بحذر وما تبتدون الا بتركيز قليل وهو ۲ و ليس %٤ لاني نفس ما قلت الابطين او المناطق الحساسه غير عن الوجه.