احذروا من الحمام المغربي لهذه الأسباب ، د. جنة خداده

الحمام المغربي 🧖🏻‍♂️❤️🧖🏻‍♀️ حمام المعاريس 🤵🏻❤️👰🏻 :

لنتفق على شي 👍🏼👍🏼 المقصود من هالبوست التنويه عن سلوك ببعض هذي الحمامات و ليس المقصود دولة او منتجات معينة لانه الحمام المغربي اسم متعارف عليه صار لنوع من الحمامات اللي يقصدونها البنات او الشباب لصنفرة الجسم و تنظيفه و الكل قام يطلق عليها الحمام المغربي و ليش سميته حمام المعاريس لانه يقصدونه المعاريس بشكل كبير و يحبونه و يحسونه شي اساسي للعناية بالجسم و نظافته قبل ليلة العرس بايام او حتى بنفس اليوم عند البعض .

للعلم لكل اللي يسويه ترى ما يفتح لون البشره او يبيضها لانه مافي شي سحري بيوم
بس حلو من باب ريلاكس و تغيير و راحة و استجمام خلنا نقول اذا استخدم بطريقة معقولة و بصنفرات خفيفه عالبشره لانه غير هالشي قد يسبب عند البعض بعد الحمام تصبغات في احد اجزاء الجسم مع الفرك القوي لذلك ماهي السلوكيات اتخاطئة اللي تتبعها بعض الحمامات او اماكن السبا .

السلوكيات الخاطئة بهالنوع من الحمامات اللي عند البعض قد يسبب تصبغات و سواد في بعض المناطق و خاصة للي بشراتهم جافة و شديدة الحساسية :

1️⃣ استخدام الاسفنجات او الليفة الخشنة عالجسم و احتكاكها يسبب خدوش و قد يترك اثار فيما بعد

2️⃣ الصنفرات المستخدمه في بعض الحمامات حبيباتها تكون قوية عالبشرة و ما تذوب و تسبب تحسس و تصبغات مع الدعك و الفرك المستمرين خلال فترة الحمام

3️⃣ اكثر سبب يسبب تصبغات للبشرة بدل لا ينظفها اهوا الدعك القوي و الفرك لانه الاحتكاك يسبب احمرار و تهيج و عند البعض و بعد هالاحمرار يصير سواد بالمناطق شديدة االاحمرا للاسف .

يعني ان رحتوا يا تاخذون صنفراتكم معاكم او تحرصون على النقاط اللي تطرقت لها و اتمنى وصلت المعلومة كما يجب و بشكل واضح و عقبال

مانشوفكم معاريس و عروسات 🤵🏻👰🏻💔😹💔😹🙈🙈 .

د.جوووووج