ايهما افضل للبشرة الدرما رولر ام الديرما بن ، د جنه خداده
الديرمارولار او الديرمابن ايهما اختار ؟!؟!
للعلم الديرمارولار و الديرمابن اهما يعملون على نفس التقنية و انسميها طبيا تقنية المايكرونيديلينق يعتي مجموعة من الابر تخترق الجلد بعمق عشان تحفز الكولاجين بالبشرة .
الاختلاف ان الديرمابن سريع لانه كهربائي و الديرمارولار يدويه فتعتمد عليكم و على ضغطكم و على سرعتكم .
الاثنين نقدر نستخدمهم بالبيت اذا كانت عندكم الخبرة الكافية و تعلمتوا عليها لكن نصيحه بالبيت عمق الابر سواء بالديرمارولار او الديرمابن ما يتعدى واحد مللي فقط اذا اكثر يفضل عمله بالعيادة و تحتاجون تخدير موضعي .
عادة اللي اسويه اذا كان في مناسبه و ابي بشرتي تصير احسن قبل المناسبه بشهرين او ثلاث اسوي ثلاث جلسات ديرمابن بالعياده و اخر جلسه فيهم قبل المناسبه بعشر ايام عشان يمديها البشره ترتاح و بس
اما باقي السنه اللي عندي استخدم فيها الديرمارولار اللي عندي بالبيت مع شغلي و سيروماتي و لله المنه و الفضل حيل استفدت و مازلت استفيد 😍😍😍😍👍🏻👍🏻👍🏻👍🏻 .
بعدين لا م تفرقون بين ديرمارولار و الديرمابن اذا السبب من استخدامهم علاجي للمسام و ندبات حب الشباب السطحية المتوسطة يعني مو بس لجمال البشرة و المحافظه على شبابها فنحتاج نعدي عمق ال ١ و نص او اثنين مللي و بعض الاحيان ثلاثه مللي فاكيد بالعياده راح تسوونها تحت اشراف دكتور مع مخدر موضعي و اهوا يحدد الايام بين كل جلسة و الاخرى💎💎💎💎💎💎💎💎
.
.
د. جوووووج
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق