سر جمال وكثافة شعر نساء الهند - بدقيقه واحده - د جنة خداده
😍 سر جمال و كثافة شعر نساء الهند 😍
.
في بوست من البوستات السابقه قاعده اتكلم عن الزيوت و طريقة وضعها فواحده من التعليقات شدتني و قالت انه سبب جمال شعر نساء الهند و كلامها صحيح
و لكن مو بس اهوا السبب لكن نساء الهند طبيعة الحياة البسيطة اللي يعيشونها الاغلبية منهم ساهمت بجمال شعرهم بعد شلون ؟!
١- عدم اكلهم للوجبات السريعة و الاكل غير صحي بكثرة كما يفعل الكثير منا لتوفر المادة و لتوفر هالنوعيات من الاكل و لكن اغلبية نساء الهند الاكل يكون غالبيته صحي و الطبخ منزلي و غني بالخضار و الفاكهة اللي فيها فيتامينات كثيرة و مضادات اكسدة مو بس تخلي شعرهم حلو و لكن حتى بشرتهم .
٢- على فكرة ترى هالشي واقعي و اتمنى تاخذونه برحابة صدر الا و هوا ان ماعندهم الكم من الصالونات التجميلية اللي عندنا فالمرأة هناك اقل استهلاك لهذه الخدمات اللي بطريقة او بأخرى كثرة الاعتماد عليها و حطوا تحت كثرة مليون خط تتلف الشعر و تفقده حيويته
فنلاحظ اهني عندنا لكثرة هذه الصالونات في بنات حتى ما اكملت عمر ١٨ بدت تصبغ و تستخدم الستريتنار وايد و غير اللي تسحب لون و تصبغ و لا ٤ مرات بالسنه و لا تعتقد البنت اللي تتعب شعرها بهالامور بيصير شعرها بجمال و كثافة البنت اللي تعتمد على الزيت و الحنه لا و هالشي اكيد و ارد و اقول الصالونات حلوه و وجودها حلو بس اختاري شتسوين فيها و شنو ما تسوين و اختاري شكثر تسوينه ✋🏼✋🏼✋🏼✋🏼
٣- نقطه مهمه تلعب دور بجمال شعر نساء الهند و هي ان جيناتهم موروثة ان تكون اغلب البنات شعرهم حلو و انعرفوا بهالشي بس مو شرط الكل .
٤- استخدامهم للزيوت عند الغالبية منهم بالتزام يعني مو اسبوع تستخدمه و تهده شهر او سنه تالي ترد له و تقول مادري شفيه شعري لا .. عند غالبيتهم التزام بالزيوت و يحبونها حيل .
هذي بعض اسباب جمال شعرهم و عي اسباب حقيقية و واقعية صحيح الجينات مو بايدنا و لكن ان نتلف شعرنا و مانهتم فيه شي بايدنا فحبيت انبهكم ان الاكل و السلوك مهمين كذلك حيل و الله يسعدكم و يحفظكم💎💎💎💎💎💎💎💎
.
.
د.جوووووج
تتفقون شرايكم ؟! حابين تضيفون شي بعد تسعدني مشاركاتكم ؟!
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق