اي من الاعراض التالية متجمعة او واحدة منها حتى تكون عندكم ضروري تسوون فحص الغدة الدرقية اللي شان تتأكدون من عدم وجود خمول بالغدة الدرقية بحط لكم اسم الفحص :

1- تعب وخمول في اغلب الاوقات 

2- جفاف بالبشرة

3- تساقط الشعر

4- الاحساس بالبرودة حتى لو كان الجو غير بارد

5- زيادة وزن او صعوبة في نزول الوزن حتى مع حمية 

‫6- ‬غزارة الدورة الشهرية عن المعتاد أو عدم انتظامها

الحين بوضح نقطة وهي ان خمول الغدة الدرقية يصيب النساء والرجال ولكن النساء اكثر عرضة ويصيبهم بنسبة اكبر عشان جذي خصيتهم بس سواء انت بنت او انت رجل وعندكم هالاعراض خلوا هالفحص ببالكم اذا رحتوا المختبر وبتسوون فحوصات.

لان للامانة اللي قاعد يصير هالفترة في ناس مباشرة تروح مختبرات للإطمئنان بين فترة واخرى مو غلط بس اذا عندكم عرض مو طبيعي ومو عارفين شنو سببه فيفضل اخذ استشارة طبيب عشان يدلكم عالاقل على الفحص المهم اللي تسوونه بدل ما تسوون اشياء قد تكون مو ضرورية وهذي نصيحة وهالموضوع توعوي عالاقل تعرفون منو اللي قد يكون عنده خمول ويحتاج يسوي فحص الغدة الدرقية وكتبت لكم اسم الفحص.